Azərbaycan Futzal Federasiyası

XƏBƏRLƏR

Millimizin bu komandalarla qarşılaşacaq
Bu gün final mərhələsi 2024-cü ildə keçiriləcək dünya çempionatının Avropa zonası üzrə əsas seçmə mərhələsinin püşkü atılıb. Reytinq cədvəlində 7-ci pillədə qərarlaşan və mübarizəyə əsas mərhələdən start verəcək Azərbaycan millisi 6-cı qrupda yer alıb, Polşa və Yunanıstan yığmaları ilə qarşılaşacaq.
Təmsilçimiz oyunlarını bu iki ölkədən birində keçirəcək
“Araz-Naxçıvan” bu komandalarla qarşılaşmayacaq
“Araz-Naxçıvan” əsas mərhələdən başlayacaq
UEFA Çempionlar Liqasının 2022/23-cü il mövsümünün ilkin və əsas mərhələsinin püşkü iyulun 7-də, saat 16:30-da atılacaq. Artıq iştirakçı klubların reytinq cədvəli açıqlanıb. Ölkə çempionu “Araz-Naxçıvan” mübarizəyə əsas mərhələdən start verəcək. Təmsilçimiz B yolunda mübarizə aparacaq ki, reqlamentə əsasən, yer aldığı qrupdan elit-raunda yalnız qrup qalibi vəsiqə qazanacaq. İlkin mərhələdə 32 komanda 8 qrupda yarışacaq. Yalnız öz qrupunda birinci pilləni tutacaq komandalar əsas mərhələnin B yolunda iştirak etmək hüququ qazanacaq.
Millimiz 1-ci səbətdə
Xəbər verdiyimiz kimi, iyulun 7-də, saat 15:30-da DÇ-2024-ün Avropa zonası üzrə əsas seçmə mərhələsinin püşkü atılacaq. Millimiz mübarizəyə bu mərhələdən start verəcək. Komandalar artıq səbətlərə bölünüb. Reytinq cədvəlində 7-ci pillədə məskunlaşan millimiz 1-ci səbətdə yer alıb. Bu isə o deməkdir ki, komandamız eyni səbətdə qərarlaşan komandalarla qarşılaşmayacaq.
Çempionlarımız...
Sayca 28-ci ölkə çempionatının qalibi olan “Araz-Naxçıvan” 16 dəfə hamıdan güclü olub. 2020-2021-ci ildə çempionat keçirilməyib və İcraiyyə Komitəsinin qərarı ilə bir il əvvəlki çempion – “Araz-Naxçıvan” UEFA Çempionlar Liqasında ölkəmizi təmsil edib. Naxçıvan təmsilçisindən sonra iki komanda 3 dəfə ölkə çempionu titulunu qazanıb. Söhbət “Avtomobilçi” və “Turan AİR”dən gedir. İlk çempion isə “Nicat” olub. “Araz-Naxçıvan” ardıcıl 10 dəfə çempion olduqdan sonra seriyanı “Khazar Islands” qırıb. İlk çempionat 1993-cü ildə keçirilib. Bəzi mənbələrdə mövsümün 1993/94-cu illərdə keçirildiyi qeyd edilir. Ancaq fakt odur ki, ilk çempionat 1993-cü ilin payızında keçirilib. İndiyə qədər keçirilmiş çempionatların qaliblərini diqqətinizə çatdırırıq:
İkinci Liqa, XXVI tur: Fotoreportaj-2
İntizam Komitəsinin qərarları