Azərbaycan Futzal Federasiyası

UEFA ÇEMPİONLAR LİQASI

“Araz-Naxçıvan” bu gün son oyununu keçirəcək
UEFA Çempionlar Liqasının əsas mərhələsi çərçivəsində bu gün son oyunlar keçiriləcək. Təmsilçimiz “Araz-Naxçıvan” 6-cı qrupda Kosovonun “Liqeni” komandası ilə qarşılaşacaq. CBC Sport kanalı vasitəsilə canlı yayımlanacaq oyun Bakı vaxtı ilə saat 16:00-da başlayacaq.
"Oyunu özümüz çətinləşdirdik"
UEFA Çempionlar Liqasının əsas mərhələsi çərçivəsində “Yunayted Galati” ilə keçirilmiş matçda qollardan birinin müəllifi olan Maneka azfutzal.az-a açıqlaması:
“Araz-Naxçıvan” ilk qələbəsini qazandı
UEFA Çempionlar Liqasının əsas mərhələsində təmsilçimiz bu gün ikinci oyununa çıxıb. “Araz-Naxçıvan” Rumıniya çempionu “Yunayted Qalati” ilə qarşılaşıb. İlk matçdan fərqli olaraq bu dəfə Xətai Bağırov heyətdəki yerini almışdı. Oyuna təmsilçimiz üstün başladı. 2-ci dəqiqədə Xətai dönüşünü qolla qeyd etməyə yaxın oldu. O, qapıçını keçsə də, vacib olanı - qapıya düşməyi bacarmadı. Davidin 4-cü dəqiqədəki zərbəsi isə dəqiq alındı. İkinci “dördlük” də meydana çıxışını qolla qeyd etdi. Bu dəfə Maneka toru silkələməyi bacardı. Ardıcıl qollardan sonra rəqib fərqi minimuma endirdi. Araujo qolun müəllifi oldu. Braziliyalı 17-ci dəqiqədə dubl etməklə hesabı da bərabərləşdirdi. Amma fasiləyə “Araz-Naxçıvan” üstün yollandı. Murilo 17 saniyə qalmış komandamızın 3-cü qolunu vurdu. İkinci hissədə Felipinyo, Xətai, David bir neçə epizodda fərqi artırmaq şansını qaçırdı. 36-cı dəqiqədə rəqib meydanda azlıqda qaldı. Octavian Kires Ramiz boş qapıya zərbə endirən zaman ona qarşı kobud oynadı və meydandan qovuldu. Cəmi 15 saniyə kifayət etdi ki, təmsilçimiz üstünlüyünü 2 topa çatdırsın. İsa qapıya zərbə endirməyə cəhd etsə də, zərbəsi ötürmə kimi alındı. Qapı qarşısında nəzarətsiz qalan David bu hədiyyədən məmnuniyyətlə faydalandı. Sonrakı 1 dəqiqə ərzində tərəflər hərəyə bir dəfə də fərlənmək imkanı qazandı. Araujo het-trik etdisə, Felipinyo oyunda özünün qol hesabını açdı.
“Araz-Naxçıvan” - “Yunayted Qalati”: Start heyətlər
UEFA Çempionlar Liqasının əsas mərhələsində bu gün keçiriləcək “Araz-Naxçıvan” - “Yunayted Qalati” oyunu üçün komandaların heyətləri:
Təmsilçimiz Rumıniya çempionu ilə qarşılaşacaq
“Araz-Naxçıvan” UEFA Çempionlar Liqasının əsas mərhələsində bu gün ikinci oyununa çıxacaq. Təmsilçimiz Rumıniya çempionu ilə qarşılaşacaq. Oyun Bakı vaxtı ilə saat 15:00-da başlayacaq və CBC Sport kanalı vasitəsilə canlı yayımlanacaq.
Uraqan - Araz-Naxçıvan (fotoreportaj)
İlk oyunda məğlubiyyət
“Araz-Naxçıvan” UEFA Çempionlar Liqasının əsas mərhələsində bu gün ilk oyununa çıxıb. Təmsilçimiz Ukrayna çempionu “Uraqan”la üz-üzə gəlib. Xətai Bağırov cəzalı olduğuna görə, təşkilatçı ölkənin təmsilçisi ilə dueli buraxmalı olub. Peşəkar Bədən Tərbiyəsi Kollecində keçirilən oyunun 2-ci dəqiqəsində Amir hesabı açmağa yaxın oldu. Təəssüf ki, müdafiəçinin zərbəsindən sonra top meydanı tərk etdi. 5-ci dəqiqədə Maneka status-kvonu pozmaq şansını qaçırdı. Əvəzində təzyiqi tədricən artıran meydan sahibləri 10-cu dəqiqədə Nazar Şvedlə toru silkələdi. 16-cı dəqiqədə Ukrayna çempionu üstünlüyünü 2 topa çatdırdı. Bu dəfə Farenyuk qapımıza yol tapdı. İkinci hissədə qol vurmaq növbəsi “Araz-Naxçıvan”a keçdi. Bu dəfə İsanın ideal ötürməsini Çovdarov boş qapıdan keçirməklə fərqi minimuma endirdi. Qrupda keçirilmiş digər oyunda Kosova çempionu “Liqeni” Rumıniya təmsilçisi “Yunayted Galati”ni məğlub edib-6:4.
Uraqan - Araz - Naxçıvan: Start heyətlər
Bu gün UEFA Çempionlar Liqasının əsas mərhələsində ilk oyununu keçirəcək "Uraqan"la "Araz-Naxçıvan"ın start heyətlərini diqqətinizə çatdırırıq: