Azərbaycan Futzal Federasiyası

LİQALAR

Birinci Liqa, V tur: Oyun cədvəli
Birinci Liqada V turun oyun cədvəli açıqlanıb. Matçlar dekabrın 8-də Olimpik Starda keçiriləcək.
Mərkəzi oyunun başlama vaxtı dəyişdirildi
Yüksək Liqanın VI turunun oyun cədvəlində dəyişiklik edilib. Turun mərkəzi oyunu əvvəlcədən açıqlandığı kimi, saat 15:00-da deyil, 13:00-da start götürəcək.
YL, V tur: Neftçi İK - Baku Fire 5:8 (fotoreportaj)
Yüksək Liqa, VI tur: Oyun cədvəli
Yüksək Liqada VI turun oyun cədvəli açıqlanıb. Son çempion “Araz-Naxçıvan”la lider “Baku Fire” saat 15:00-da üz-üzə gələcək.
Yüksək Liqa: Sarı vərəqələr
Yüksək Liqada I dövrə başa çatdı. Arxada qalan 5 tur ərzində 3 futzalçının passivində 3 sarı vərəqə var.
“Xan-Lənkəran”dan ardıcıl ikinci qələbə
Birinci Liqada IV turun oyunları keçirilib. Lider PFL böyükhesablı qələbə qazanıb. “STAR kargo” “Yeni Suraxanı” dueli isə gərginliyi ilə yadda qalıb. Günün üçüncü matçında 14 qol vurulsa da, qalib müəyyənləşməyib. “Metropoliten” də xal ehtiyatını artırıb. “Xan-Lənkəran” isə “Timsport”dan güclü olub. Bu komandanın ardıcıl ikinci qələbəsidir. Ötən oyunda rəqibini 16 cavabsız qolla məğlub edən “ağ-yaşıllar” bu dəfə 3 top fərqli üstünlük əldə edib. “Baku Fire-2” də turu itkisiz başa vurub. Liderin izləyicilərindən olan komanda rəqibini 20 dəfə meydanın mərkəzinə dəvət edib.
YL, V tur: U-19 - Araz-Naxçıvan 0:11 (fotoreportaj)
“Baku Fire” – Birinci dövrənin lideri
Bu gün Yüksək Liqada V turun oyunları keçirilib. İlk oyunda gənclər yığması ilə son çempion gücünü sınayıb. “Araz-Naxçıvan” üçün daha çox məşq xarakteri daşıyan görüşdə “qırmızı-ağlar” böyükhesablı qələbəyə sevinib. Mərkəzi oyun isə gözlənildiyi kimi, daha gərgin keçib. Eyni xala malik olan və ilk iki pillədə qərarlaşan komandalar birinci dövrənin qalibini müəyyənləşdirməli idi. Oyuna “Baku Fire” yaxşı başladı. Ardıcıl qollar vuran nominal qonaqlar fasiləyə hesabda üstün yollanıb. İkinci hissədə ssenari dəyişdi. Bu dəfə “Neftçi” qolları sıraladı və 25-ci dəqiqədə oyunda ilk dəfə olaraq hesabda önə keçdi. Buna qədər isə “ağ-qaralar” əsas “silahı” olan İsa Atayevin zədələnərək oyunu davam etdirə bilməyəcəyinə üzülmüşdü. 31-ci dəqiqədə “5-ci oyunçu” kimi meydana çıxan Manafov tablodakı rəqəmləri eyniləşdirməklə het-trikini də rəsmiləşdirdi. Lider sonrakı dəqiqələrdə də qol vurmaqla hesabdakı üstünlüyünü artırdı. Tura “Şuşa”nın qələbəsi ilə yekun vurulub. Düzdür, hesabı “Yasamal Bakı” açıb. Amma debütant ardıcıl qollarla qələbəsini təmin edib.