Azərbaycan Futzal Federasiyası

XƏBƏRLƏR

“Qrupdan üzüağ, alnıaçıq çıxacağımıza inanıram”
Çexiya yığması ilə yoldaşlıq oyunları keçirəcək Azərbaycan millisi hazırlığını Zlin şəhərində davam etdirir. Dünən ilk məşqinə çıxan komandamız bu gün oyunöncəsi son çalışmasını yerinə yetirəcək. Komandanın üzvü Oktay Rüstəmli oyunlara hazırlığı haqda azfutzal.az-a açıqlama verib:
Millimiz Çexiyada ilk məşqini keçirib (fotolar)
Sentyabrın 19-da və 20-də Çexiya yığması ilə qarşılaşacaq Azərbaycan millisi hazırlığını davam etdirir. Komandamız bu gün oyunun keçiriləcəyi Zlin şəhərindəki idman zalında ilk məşqinə çıxıb. Təxminən 90 dəqiqə davam edən hazırlıq prosesində futzalçılar taktiki tapşırıqlar və standart vəziyyətlərin icrası üzərində çalışıb. Növbəti məşq sabah eyni məkanda baş tutacaq.
Millinin Çexiya ilə oyun üçün heyəti
Sentyabrın 19-da və 20-də Zlin şəhərində Çexiya yığması ilə qarşılaşacaq Azərbaycan millisinin yekun heyəti açıqlanıb. Baş məşqçi Vitali Boriov səfərə 3-ü qapıçı olmaqla 13 futzalçı ilə yollanacaq. Komanda sabah səhər saatlarında Bakı-Vyana reysi ilə hərəkət edəcək, Avstriyanın paytaxtından isə avtobusla Zlin şəhərinə yollanacaq.
Statistika nə deyir?
Xəbər verdiyimiz kimi, Azərbaycan millisi sentyabrın 19-da və 20-də Çexiya ilə yoldaşlıq oyunları keçirəcək. Zlin şəhərində baş tutacaq matça qədər tərəflər artıq 6 dəfə üz-üzə gəliblər. Bu matçlardan 4-də rəqib, ikisində isə komandamız qələbə qazanıb. 2010-cu ildə keçirilən Avropa çempionatının final mərhələsində isə rəqibimizlə 2 dəfə gücümüzü sınamışıq. Qrup mərhələsində böyükhesablı qələbə qazanan Azərbaycan millisi 3-cü yer uğrunda matçda məğlub olub. İndiyə qədər keçirilmiş oyunların nəticələrini diqqətinizə çatdırırıq:
V qrupun oyun təqvimi müəyyənləşib
AVRO – 2026-nın əsas mərhələsinin V qrupunun təqvimi müəyyənləşib. Azərbaycan millisi mübarizəyə dekabrda doğma meydanda başlayacaq. Komandamız son görüşünü də paytaxtda keçirəcək. Reqlamentə əsasən, qrup qalibləri birbaşa final mərhələsinə vəsiqə qazanacaq. Ən yaxşı göstəriciyə malik qrup ikincilərindən 8-i isə pley-off mərhələsində üz-üzə gələcək. Qalib gələn 4 milli final mərhələsində oynamaq hüququ qazanacaq. Final mərhələsi 2026-ci ilin yanvar-fevral aylarında Latviya və Litvada təşkil olunacaq.
Millinin məşqindən fotolar
Təlim-məşq toplanışını davam etdirən Azərbaycan millisi gündə iki dəfə olmaqla hazırlığını Olimpik Starda davam etdirir. Zədə səbəbindən Kənan Manafov millinin düşərgəsinə dəvət almayıb. Sentyabrın 16-dək Bakıda məşq keçəcək yığmamız ertəsi gün səfərə çıxacaq. Millimiz sentyabrın 19-da və 20-də Çexiya ilə Zlin şəhərində 2 yoldaşlıq oyununda gücünü sınayacaq.
Çexiyanın millimizlə oyun üçün heyəti
Sentyabrın 19-da və 20-də Azərbaycan millisi ilə yoldaşlıq oyunları keçirəcək Çexiya yığmasının heyəti açıqlanıb. Baş məşqçi Marek Kopeçki 14 futzalçıya dəvət göndərib ki, onlardan 2-si qapıçıdır.
Millinin toplanışı başlayıb
Sentyabrın 17-dən 21-dək Zlin şəhərində təlim-məşq toplanışı və Çexiya yığması ilə 2 yoldaşlıq oyunu keçirəcək Azərbaycan millisinin Bakıda toplanışı başlayıb. Bu gün ilk məşqinə çıxan futzalçılarımız sentyabrın 16-dək paytaxtda hazırlıq keçəcək. Baş məşqçi Vitali Borisov məşqlərə 3-ü qapıçı olmaqla ümumilikdə 16 futzalçı dəvət edib. Səfərə aparılacaq heyət toplanışın sonunda müəyyənləşəcək və əlavə məlumat veriləcək. Qeyd edək ki, Çexiya-Azərbaycan oyunları sentyabrın 19-da və 20-də Zlin şəhərində keçiriləcək.